آسٹریلیا تین دہائی کی سب سے بڑی اقتصادی مندی کی زد میں

کینبرا،02 ستمبر(یواین آئی) آسٹریلیا میں جون میں ختم ہوئی تماہی میں مجموعی گھریلوپیداوار (جی ڈی پی) کے اعدادو شمار میں پچھلی تین دہائی میں سب سے زیادہ سات فیصد کی گراوٹ درج کی گئی ہے۔

آسٹریلیائی ادارہ شماریات کے مطابق ، مارچ کی سہ ماہی میں معیشت میں 0.3 فیصد کی کمی واقع ہوئی تھی۔
آسٹریلیائی نشریاتی گروپ کی ایک رپورٹ کے مطابق ، پچھلے 30 برسوں میں آسٹریلیا کو پہلی بار مندی کا سامنا کرنا پڑا ہے۔
آسٹریلیائی شماریات بیورو کے قومی اکاؤنٹس کے سربراہ ، مائیکل سمڈیس نے عالمی وبا اور اس کے پیچھے کی پالیسیوں کو ذمہ دار قرار دیا ہے۔ انہوں نے کہا ، ’’یہ 1959 کے بعد سے ملکی معیشت میں کسی بھی سہ ماہی میں ریکارڈ کی جانے والی سب سے بڑی کمی ہے۔‘‘
رپورٹ کے مطابق ، کورونا وائرس کا سامنا کرنے کے لئے اضافی معاون ادائیگیوں کی وجہ سے ، نقد رقم میں معاشرتی امداد کے فوائد 41.6 فیصد تک بڑھ گئے۔ وہیں، ٹرانسپورٹ خدمات ، ہوٹلوں ، کیفے اور ریستوراں سے متعلق سرگرمیاں تقریباً ٹھپ ہونے سے خدمات پر اخراجات میں 17.6 فیصد کی کمی واقع ہوئی ہے۔