کرکٹر محمد اظہر الدین دادا بن گئے۔”دعا“کو دعامیں شامل رکھیں:انعم مرزا

حیدرآباد، 17/اگست (یواین آئی)ہندوستانی کرکٹ ٹیم کے سابق کپتان محمد اظہرالدین دادا بن گئے کیونکہ ان کی بہو و ٹینس اسٹار ثانیہ مرزا کی بہن انعم مرزا نے اپنے ماں بننے کی خبرسوشیل میڈیا کے اکاونٹ پر شئیر کی ہے۔

انہوں نے اپنے انسٹاگرام ہینڈل پر اس خبر کو ایموجی کے ذریعہ جاری کرتے ہوئے قبل ازیں کے فوٹوشوٹس کی تصاویر کو بھی اپ لوڈ کیا۔انہوں نے ساتھ ہی لکھا”گذشتہ روز لڑکی”دعا“کی پیدائش ہوئی ہے۔اس کی حالت بہتر ہے۔دعاکو اپنی دعاوں میں شامل رکھیں۔“انعم نے اپنے پوسٹ کے ساتھ یہ کیپشن لکھتے ہوئے انٹرنیٹ استعمال کرنے والوں سے یہ خواہش کی۔ان کی جانب سے اس خبر کو شئیر کرنے کے بعد ان کے فالوورس نے ان کو مبارکبادی کے پیامات دینے شروع کردیئے۔