بلیا:خاتون کو فروخت کرنے کے الزام میں تین گرفتار

بلیا: اترپردیش کے ضلع بلیا کے رسڑا تھانہ علاقے کی رہنے والی ایک شادی شدہ خاتون کا اغوا کر غیر اخلاقی کام کرانے کے لئے فروخت کرنے کے معاملے میں پولیس نے جمعرات کو تین ملزمین کو گرفتار کر کے جیل بھیج دیا۔

پولیس ذرائع کے مطابق ضلع کے رسڑا علاقے کے ایک گاؤں کی رہنے والی لڑکی کی شادی تقریبا 5سال قبل غازی پور ضلع کے ایک گاؤں میں ہوئی تھی جس کے بعد گذشتہ 5مہینے قبل علاقے کے ہی مصطفی آباد باشندہ اشوک ساہنی و سلہٹا باشندہ رمیش راج بھر و مختار راج بھر نے فون سے پھسلا کر اپنے پاس بلایا و جب وہ آئی تو زبردستی کہیں دیگر ضلع میں لے جا کر غیر اخلاقی کام کے لئے فروخت کردیا۔

معاملے میں پولیس نے گذشتہ 19ستمبر کو خاتون کے والد کی تحریر پر ملزمین کے خلاف تعزیرات ہند کی دفعہ 366و 370(2) اورانسداد غیر اخلاقی کاروبارایکٹ کی متعلقہ دفعہ 3/5 کے تحت نامز د مقدمہ درج کیا ہے ۔ معاملے میں کاروائی کرتے ہوئے پولیس نے جمعرات کو تینوں ملزمین کو رسڑا تھانہ علاقے کے سدھار گھاٹ سے گرفتار کرکے جیل بھیج دیا ہے ۔