مشہور اداکارہ روما گہا ٹھاکرتا کا انتقال

کولکاتہ : مشہور اداکارہ اور کولکاتہ یوتھ کوائر کی بانی روما گہا ٹھاکرتا کا پیرکی صبح انتقال ہوگیا۔
84سالہ روما گہا ٹھاکرتا کا انتقال کولکاتہ کے بلی گنج پلیس میں واقع ان کی رہائش گاہ پر ہوا۔وہ چند برسوں سے بڑھاپےسے متعلق بیماریوں میں مبتلا تھیں۔

اداکاری اور گلوکارہ روما گہا کی پیدائش 1934 میں کولکاتہ میں ہوئی تھی۔وہ 1951میں مشہور گلوکار کشور کمار کے ساتھ رشتہ ازدواج میں بندھیں تھیں لیکن بعد میں دونوں میں علحیدگی ہوگئی تھی۔اس کے بعد انہوں نے 1960 میں اروپ گہا ٹھاکرتا سے شادی کی تھی۔انہوں نے 1958 میں کلکتہ یوتھ کوائرقائم کیاتھا۔
انہوں نے ’انٹنی فرنگی‘،’گنگا اوبھی جان‘،’پلاتک‘ سمیت کئی بنگالی فلموں میں اداکاری کرنے کے ساتھ ساتھ گلوکاری کے شعبہ میں بھی اپنی خاص پہچان بنائی تھی۔
مغربی بنگال کی وزیراعلی ممتا بینرجی نے ان کے انتقال پر تعزیت کا اظہار کیا ہے۔