بائیڈن انتظامیہ کا سگریٹ میں نیکوٹین کی سطح کو محدود کرنے کا منصوبہ

واشنگٹن، 22 جون ؛امریکہ میں بائیڈن انتظامیہ سگریٹ میں نکوٹین کی مقدار کو محدود کرنے کا منصوبہ بنا رہی ہے تاکہ اس کی لت کو کم کیا جا سکے۔

فیڈرل ڈرگ ایڈمنسٹریشن (ایف ڈی اے) نے منگل کو ایک پریس ریلیز میں یہ معلومات دی۔ ریلیز میں کہا گیا، “آج، بائیڈن-ہیرس انتظامیہ نے مستقبل کے ممکنہ ریگولیٹری اقدامات کے لیے منصوبے شائع کیے، جن میں یو ایس فوڈ اینڈ ڈرگ ایڈمنسٹریشن کا ایک مجوزہ پروڈکٹ اسٹینڈرڈ تیار کرنے کا منصوبہ بھی شامل ہے جو سگریٹ اور بعض دیگر خطرناک تمباکو کی مصنوعات کی لت کو کم کرنے کےلئے نیکوٹین کی زیادہ سے زیادہ سطح قائم کرے گا۔”

ایف ڈی اے کمشنر رابرٹ لوئرنگ نے ریلیز میں کہا کہ نیکوٹین کی سطح کو “کم سے کم لت یا غیر لت کی سطح” تک کم کرنے سے موجودہ نشے کے عادی افراد کو چھوڑنے میں مدد مل سکتی ہے اور آنے والی نسلوں میں نشے کے امکانات کو کم کرنے میں مدد ملے گی۔

ریلیز میں کہا گیاہے کہ 2018 کے ایک مطالعہ میں، ایف ڈی اے نے اندازہ لگایا کہ نکوٹین کی حد 2100 تک تمباکو نوشی کی شرح کو 12.5 فیصد سے 1.4 فیصد تک کم کر سکتی ہے اور 8 ملین سے زیادہ جانیں بچا سکتی ہے۔