متحدہ عرب امارات میں تمام مساجد کے عملے کیلئے بڑا اعلان

متحدہ عرب امارات کے صدر نے تمام مساجد کے عملے کو بنیادی تنخواہ کا 50 فیصد ماہانہ الاؤنس دینے کا حکم دے دیا۔ غیرملکی میڈیا کے مطابق صدر شیخ محمد بن زید النہیان کی جانب سے اعلان کردہ الاؤنس مساجد کے اماموں اور مؤذن کی ماہانہ تنخواہ میں شامل ہو جائے گا۔

جنرل اتھارٹی فار اسلامک افیئرز اینڈ انڈومنٹس کے چیئرمین ڈاکٹر عمر ہبتور الداری نے کہا ہے کہ یہ اقدام صدر کی طرف سے مساجد کے آئمہ اور مؤذنین کی طرف تعریف کا اشارہ ہے جو پوری محنت سے عبادت اور سکون کے ماحول کو برقرار رکھتے ہوئے اعلیٰ ترین معیارات پر عمل پیرا ہیں۔

ڈاکٹر عمر ہبتور الداری نے صدر شیخ محمد بن زید النہیان کا مساجد کے عملے کی حمایت، ان کا خیال کرنے اور مدد پر ان کا شکریہ ادا کیا ہے۔