ایپسٹین کے ساتھ ملاقات بڑی غلطی تھی،بل گیٹس کی معذرت

دنیا کا امیر ترین شخص دنیا کے غریب ترین بچوں کو قتل کر رہا ہے، بل گیٹس
نیویارک: مائیکروسافٹ کے بانی اور گیٹس فائونڈیشن کے چیئرمین بل گیٹس نے جنسی اسکینڈل میں ملوث جیفری ایپسٹین کے ساتھ تعلقات پر اپنی ذمہ داری قبول کرتے ہوئے کہا ہے کہ ایپسٹین کے ساتھ وقت گزارنا ان کی بہت بڑی غلطی تھی۔

رائٹرز کے مطابق گیٹس فائونڈیشن کے ایک ترجمان نے رائٹرز کو بتایا کہ بل گیٹس نے فائونڈیشن کے ملازمین کے ساتھ ٹاو ¿ن ہال میٹنگ میں اپنی سرگرمیوں کی وضاحت کی۔

یہ بیان وال سٹریٹ جرنل کی رپورٹ کے ردعمل میں سامنے آیا، جس میں کہا گیا کہ گیٹس نے ملازمین سے ایپسٹین کے ساتھ تعلقات پر معذرت کی۔

امریکی محکمہ انصاف (ڈی او جے ) کی جاری کردہ دستاویزات سے یہ بات سامنے آئی ہے کہ بل گیٹس نے جیفری ایپسٹین کی جیل کی سزا کے بعد بھی ان سے کئی بار ملاقاتیں کیں تاکہ مائیکروسافٹ کے بانی کی فلاحی سرگرمیوں کو بڑھانے پر بات کی جا سکے۔

وال اسٹریٹ جرنل کے مطابق بل گیٹس نے ملازمین سے کہا کہ ایپسٹین کے ساتھ وقت گزارنا بہت بڑی غلطی تھی اور گیٹس فائونڈیشن کے عہدیداروں کو بھی ان ملاقاتوں میں شامل کرنا غلط فیصلہ تھا۔

انہوں نے کہا کہ میں ان لوگوں سے معذرت خواہ ہوں جو میری اس غلطی کی وجہ سے متاثر ہوئے۔

ترجمان نے رائٹرز کو بتایا کہ ٹائون ہال میں اس حوالے سے بل گیٹس نے کھل کر بات کی، کئی سوالات کے تفصیلی جوابات دیے اور اپنے اعمال کی ذمہ داری قبول کی۔