بی جے پی صرف چھیننا جانتی ہے، ہم انتخابات میں اس کی کالا بازاری ختم کریں گے: ادھو

ٹھاکرے نے برہان ممبئی میونسپل کارپوریشن کے اہلکاروں سے کہا کہ وہ بی جے پی کی ‘بدعنوان سرگرمیوں’ کا حصہ نہ بنیں۔ ٹھاکرے نے دہرایا کہ امول کیرتیکر ممبئی شمال مغربی لوک سبھا سیٹ سے ان کی پارٹی کے امیدوار ہوں گے۔

شیو سینا (یو بی ٹی) کے سربراہ ادھو ٹھاکرے نے اتوار کو کہا کہ بھارتیہ جنتا پارٹی (بی جے پی) کبھی بھی کسی تحریک یا جدوجہد کا حصہ نہیں رہی ہے، اور نہ ہی اس نے خود کچھ بنایا ہے، وہ صرف دوسروں سے چھیننا جانتی ہے۔

ٹھاکرے مضافاتی ممبئی میں پارٹی کارکنوں سے خطاب کر رہے تھے۔ انہوں نے کہا، ”بی جے پی تحریک آزادی، سمیوکت مہاراشٹر کی جدوجہد یا مراٹھواڑہ کی آزادی کی جنگ کا حصہ نہیں تھی۔ وہ صرف چھیننا جانتی ہے۔ ہم انتخابات میں بی جے پی کے ‘چور بازار’ کو تباہ کر دیں گے۔ اس نے ہماری دوستی دیکھی ہے، لیکن اب بی جے پی ہماری ’مشال‘ (انتخابی نشان جلتی ہوئی مشعل) کی گرمی دیکھے گی۔

ٹھاکرے نے برہان ممبئی میونسپل کارپوریشن کے اہلکاروں سے کہا کہ وہ بی جے پی کی ‘بدعنوان سرگرمیوں’ کا حصہ نہ بنیں۔ ٹھاکرے نے دہرایا کہ امول کیرتیکر ممبئی شمال مغربی لوک سبھا سیٹ سے ان کی پارٹی کے امیدوار ہوں گے۔

وہ موجودہ ایم پی گجانن کیرتیکر کے بیٹے ہیں، جو ایکناتھ شندے کی زیر قیادت شیو سینا کا حصہ ہیں۔ ایک دن پہلے ٹھاکرے کے اعلان پر کانگریس لیڈر سنجے نروپم کی طرف سے ناراض ردعمل سامنے آیا تھا، جو 2019 میں اس سیٹ سے الیکشن ہار گئے تھے۔