بالی ووڈ اداکارہ نے والد کی موت کا ذمہ دار اسپتال انتظامیہ کو قرار دیدیا

بالی ووڈ اداکارہ سمبھاونہ سیٹھ نے اپنے والد کی موت کا ذمہ دار صرف کورونا وائرس کو نہیں بلکہ اسپتال انتظامیہ کو بھی قرار دے دیا۔

حال ہی میں کورونا وائرس کی وجہ سے اپنے والد کو کھودینے والی اداکارہ سمبھاونہ سیٹھ نے اپنے تصدیق شدہ ٹوئٹر اکاؤنٹ پر اپنے والد کے ہمراہ ماضی کی یادگار تصویر شیئر کی ہے۔

ٹوئٹر پر شیئر کی گئی تصویر سمبھاونہ سیٹھ کی شادی کی تقریب کی ہے۔اداکارہ نے تصویر کے کیپشن میں لکھا کہ ’میرے والد کو بچایا جاسکتا تھا۔‘

My father could have been saved.
It was not just covid which killed him. pic.twitter.com/4NTmZoTtXZ

— Sambhavna Seth (@sambhavnaseth) May 11, 2021

اُنہوں نے لکھا کہ ’وہ صرف کورونا وائرس نہیں تھا جو اُن کی موت کی وجہ بنا۔‘

سمبھاونہ کے ٹوئٹ پر بڑی تعداد اس بات پر اتفاق کررہی ہے کہ  کورونا وائرس کے زیادہ تر مریضوں کی موت طبی سہولیات کی کمی کی بدولت واقع ہورہی ہے۔

pic.twitter.com/GAcjTC2TW4

— Sambhavna Seth (@sambhavnaseth) April 30, 2021

 اداکارہ نے اپنے ٹوئٹ میں واضح طور پر یہ نہیں بتایا کہ اُن کے والد کی موت کا ذمہ دار کون ہے لیکن صارفین کا ردعمل دیکھنے کے بعد یہ واضح ہے کہ وہ اسپتال انتظامیہ اور طبی سہولیات کی کمی کو اپنے والد کی موت کی وجہ قرار دے رہی ہیں۔

کورونا کا شکار بھارتی اداکار آئی سی یو منتقل

واضح رہے کہ سبھاونہ سیٹھ نے اپنے والد کی موت سے قبل سوشل میڈیا پر ایک پیغام جاری کیا تھا جس میں اُنہوں نے اپیل کرتے ہوئے کہا تھا کہ ’کوئی ممبئی کے اسپتال میں اُن کے والد کے لیے بیڈ کی سہولت فراہم کردے۔‘

بھارتی اداکارہ نے کہا تھا کہ ’اُن کے والد کا کورونا وائرس ٹیسٹ مثبت آگیا ہے اور اُنہیں بیڈ کی شدید ضرورت ہے۔‘

اُن کا مزید کہنا تھا کہ ’میرے والد اور میرے بھائی اسپتال کے باہر انتظار کررہے ہیں لہٰذا براہِ کرم! جلد از جلد اُنہیں بیڈ فراہم کیا جائے۔‘