بالی ووڈ کی مہنگی ترین طلاق: ریتک روشن نے سوزین کو کتنے کروڑ ادا کیے؟

بالی ووڈ کی مہنگی ترین طلاق: ریتک روشن نے سوزین کو کتنے کروڑ ادا کیے؟
یہ رقم بالی ووڈ کی تاریخ میں طلاق کے معاملے میں ادا کی گئی سب سے بڑی رقم ہے

بالی ووڈ کی دنیا میں محبت کے قصے اکثر طلاق کے المیے پر ختم ہوتے ہیں، اور ان میں سے کچھ طلاقیں نہ صرف جذباتی بلکہ مالی اعتبار سے بھی بہت مہنگی ثابت ہوتی ہیں۔ ایسی ہی ایک طلاق بھارتی اداکار ریتک روشن اور ان کی سابقہ اہلیہ سوزین خان کی ہے، جو بالی ووڈ کی تاریخ کی مہنگی ترین طلاق سمجھی جاتی ہے۔

ریتک روشن اور سوزین خان کی شادی 2000 میں ہوئی تھی، اور یہ جوڑی بالی ووڈ کی سب سے خوبصورت اور مشہور جوڑیوں میں سے ایک تھی۔ تاہم، 2014 میں دونوں نے علیحدگی کا اعلان کردیا، جس نے ان کے مداحوں کو حیران کردیا۔

لیکن اس طلاق کی سب سے بڑی بات یہ تھی کہ ریتک روشن نے  قاناون کے مطابق سوزین خان کو 380 کروڑ  روپے ادا کیے۔ یہ رقم بلی ووڈ کی تاریخ میں طلاق کے معاملے میں ادا کی گئی سب سے بڑی رقم ہے، جس کی وجہ سے یہ طلاق بالی ووڈ کی مہنگی ترین طلاق کہلائی۔

بالی ووڈ میں طویل رشتوں کے ٹوٹنے کی یہ کوئی پہلی مثال نہیں ہے۔ اس سے قبل کرشمہ کپور اور سنجے کپور کی طلاق بھی کافی زیر بحث رہی تھی۔ دونوں نے 2006 میں شادی کی تھی، لیکن 2016 میں انہوں نے علیحدگی کا فیصلہ کیا۔ طلاق کے بعد سنجے کپور نے کرشمہ کو ایک پرتعیش گھر کے علاوہ 70 کروڑ روپے ادا کیے تھے۔

2025 کا آغاز بھی انٹرٹینمنٹ انڈسٹری میں رشتوں کے ٹوٹنے کے ساتھ ہوا ہے۔ اس سال کے پہلے دو مہینوں میں بالی ووڈ اور ہالی ووڈ کے کئی جوڑوں نے علیحدگی کا اعلان کیا ہے۔ معروف موسیقار اے آر رحمان اور ان کی اہلیہ سائرہ بانو نے 29 سالہ تعلق کو ختم کر دیا، جبکہ اداکار گووندا اور ان کی اہلیہ سنیتا آہوجا کی طلاق کی خبریں بھی گردش کر رہی ہیں۔

بالی ووڈ میں طلاق کے یہ واقعات نہ صرف جذباتی بلکہ مالی اعتبار سے بھی کافی اہم ہوتے ہیں۔ ریتک روشن اور سوزین خان کی طلاق نے یہ ثابت کیا کہ محبت کے رشتے جب ٹوٹتے ہیں تو ان کی قیمت صرف جذباتی نہیں ہوتی، بلکہ مالی طور پر بھی یہ کافی مہنگی پڑسکتی ہے۔