بریلی : چچازاد بھائیوں نے کیا بھائی کو قتل

بریلی : ضلع کے بارہ دری تھانہ علاقہ میں ایک شخص کو اس کے چچازاد بھائیوں اوراس کے دوستوں نے مبینہ طور سے گولی مار کر قتل کردیا۔اے ایس پی راجیو مہروترا نے بتایاکہ حجیا پور علاقہ میں کل رات ۳۶؍سالہ راجیش کمار عرف کسم کو اس کے چچازاد بھائی سنیل عرف گرا،دیپک، انل کمار اوراس کے دوست نے اس وقت گولی مارکر ہلاک کردیا جب وہ اپنے دوبچوں کے ساتھ گھر میں ٹی وی دیکھ رہا تھا مسٹر مہروترا نے بتایاکہ اس معاملے میں مقدمہ درج کرکے دیپک کوگرفتارکرلیا ہے۔ جب کہ راجیش کے والدجیدیو نے الزام عائد کیا ہے کہ گزشتہ ۲۷؍اکتوبر کوجواکھیلتے وقت راجیش نے سنیل کو پیٹا تھا اس کا بدلہ لینے کیلئے انھوں نے راجیش کو قتل کردیا۔ پولیس نے لاش کو قبضہ میں لینے کے بعد پوسٹ مارٹم کیلئے بھیج دیا ہے پولیس نے ملزمین کی سرگرمی سے تلاش شروع کردی ہے۔