بجٹ سے شیئر بازار میں کہرام، سینسیکس میں تقریباً ایک ہزار پوائنٹ کی گراوٹ

ممبئی‘ یکم فروری (یواین آئی) پارلیمنٹ میں آج پیش کردہ عام بجٹ میں شیئر بازاروں کے لئے کوئی خاص التزام نہیں ہونے سے کہرام مچ گیا اور بامبے شیئر بازار کا انڈکس تقریباً ایک ہزار پوائنٹ تک گرنے کے بعد فی الحال 408 پوائنٹ نیچے ہے۔ این ایس ای کا نفٹی بھی 133 پوائنٹ گر کر12 ہزار پوائنٹ سے نیچے آگیا۔

کاروبار کے آغاز میں سینسیکس گذشتہ دن کے 40723.49 پوائنٹ کے مقابلے میں 40753.18 پوائنٹ پر مضبوط کھلا اور 40905.78 پوائنٹ تک چڑھ گیالیکن بجٹ پیش ہونے کے بعد فروخت کے دباو میں آگیا اور تقریباً ایک ہزار پوائنٹ گر کر 39930.46 پوائنٹ تک گرگیا۔ سینسیکس اس وقت 408پوائنٹ نیچے40315.90پر کاروبار کررہا ہے۔