سالگرہ پر دنیا کی سب سے بڑی عمارت پر دکھی شاہ رخ خان کی تصویر، اداکار بولے۔ میرے بچے بہت خوش ہوئے

ممبئی۔ بالی ووڈ کے کنگ خان یعنی شاہ رخ خان 55 سال کے ہو گئے ہیں۔ 2 نومبر کو انہوں نے دبئی میں اپنے کنبہ کے ساتھ اپنی سالگرہ منائی۔ شاہ رخ کی سالگرہ پر ہندستان میں ہی نہیں بلکہ بیرون ملکوں کے مداحوں نے بھی انہیں سالگرہ کی مبارکباد دی۔

شاہ رخ خان کے اس خاص دن پر دبئی سے انہیں خاص تحفہ دیا گیا جسے پا کر کنگ خان کافی خوش نظر آئے۔ دبئی میں برج خلیفہ پر شاہ رخ خان کی کئی تصویریں بھی دکھائی گئیں۔ اس سے جڑے فوٹو اور ویڈیو بھی سوشل میڈیا پر جم کر وائرل ہو رہے ہیں۔

شاہ رخ خان نے سوشل میڈیا پر اس تحفے پر شکریہ ادا کیا ہے۔ انسٹاگرام پر انہوں نے پوسٹ شئیر کرتے ہوئے لکھا۔ ‘ اپنے آپ کو دنیا کی سب سے بڑی اسکرین پر دیکھ کر کافی خوشی ہو رہی ہے۔ میرے دوست محمد الابار نے میری اگلی فلم کے پہلے ہی مجھے اسکرین پر دکھا دیا۔ دبئی میں میرا اپنا مہمان ہونے کے ناطے میرے بچے اس سے بہت خوش ہیں۔ وہیں، دوسری طرف میں بھی اس سے بہت پیار کرتا ہوں’۔
شاہ رخ کی فوٹو کے علاوہ ان کے کچھ ویڈیوز بھی سوشل میڈیا پر جم کر وائرل ہو رہے ہیں۔ ان کے دوست کرن جوہر نے ایک ویڈیو شئیر کیا ہے جس میں وہ برج خلیفہ کے سامنے کافی مزےدار انداز میں اپنی سالگرہ مناتے دکھائی پڑ رہے ہیں۔