کیلی فورنیا:امریکہ کے کیلی فورنیا اور نیواڈہ میں کل برفیلی ہواؤں کے ساتھ موسلا دھار بارش کے بعد سیلاب جیسی صورتحال پیدا ہو گئی اور پہاڑوں پر کئی فٹ برف جمع ہو گئی۔قومی موسم سروس نے کیلی فورنیا، نیواڈا اور ٹرسکي اور جنوبی تاھوئی سمیت تھاھو علاقے میں اس سلسلے میں وارننگ جاری کی ہے ۔ محکمہ موسمیات نے سیارا نیواڈا پہاڑی علاقوں میں 5 سے 10 فٹ برفباری اور 160 کلومیٹر فی گھنٹہ کی رفتار سے تیز ہوائیں چلنے کی وارننگ جاری کی ہے ۔ محکمہ موسمیات نے نیواڈا کے رینو سے جاری ایک بلیٹن میں بتایا،”یہ جان لیوا صورت حال ہے ۔
محکمہ نے باہر جانے والے تمام سیاحوں کو گھروں میں ہی رہنے کا مشورہ دیا ہے ۔ محکمہ موسمیات نے بتایا کہ اس صورت حال میں تھوڑی سی بھی لاپرواہی جان لیوا ثابت ہو سکتی ہے ۔
یہاں پہاڑی علاقوں میں برفباری کی وارننگ بھی جاری کی گئی ہے ۔محکمہ موسمیات نے شمالی اور وسطی کیلی فورنیا کے نچلے علاقوں میں سیلاب کی وارننگ جاری کی ہے ۔ نچلے علاقوں میں مسلسل دو دنوں سے مسولادھار بارش سے تمام دریا پانی سے بھر گئے ہیں اور ایساخدشہ ہے کہ اگر بارش نہیں تھمی تو دریاؤں کا پانی رہائشی علاقوں تک پہنچ جائے گا۔
