پٹنہ میں کیمیکل گودام میں آتشزدگی

پٹنہ :بہار کے دارالحکومت پٹنہ کے پیربھور تھانہ علاقے میں خزانچی روڈ پر واقع ایک گودام میں آگ لگنے سے کثیر مقدار میں کیمیکل تباہ ہوگئی۔

لودھی پور فائر اسٹیشن کے ذرائع نے یہاں بتایا کہ خزانچی روڈ پر واقع ایک مکان کے پچھلے حصے اور کمروں میں بڑی مقدار میں کیمیکل مواد رکھے ہوئے تھے ۔

کل دیر رات اچانک لگی آگ کی لپٹیں آہستہ آہستہ پورے مکان میں پھیل گئیں، جس سے بڑی مقدار میں کیمیکل تباہ ہوگئی۔ تاہم، ابھی تک آگ لگنے کی اصل وجوہات کا پتہ نہیں چل سکا ہے ۔
ذرائع نے بتایا کہ اطلاع ملتے ہی آگ کے انجن کے 10 گاڑیاں موقع پر پہنچیں اور کافی مشقت کے بعد آگ پر قابو پایا جا سکا۔

اس دوران ایک اسٹاف پون کمار زخمی بھی ہو گیا۔ فائر سروس کے ڈائریکٹر جنرل رویندر کمار کل دیر رات ہی موقع پر پہنچ گئے اور امدادی کام کا معائنہ کیا۔

میونسپل پولی[س سپرنٹنڈنٹ (وسط) ڈی امرکیش نے بتایا کہ موقع پر فورنسک سائنس لیب کی ٹیم کو بھیجا جائے گا۔ انہوں نے کہا کہ اس معاملے میں ایک ایف آئی آر درج کی جائے گی۔