روڈویز بس اور ڈمپر میں تصادم، ڈرائیور سمیت 9 لوگ زخمی

کانپور:  بدھنو تھانہ علاقہ کے موضع کٹھیروا کے پاس جمعہ کی صبح روڈویز بس آگے چل رہے ڈمپر سے ٹکرا گئی۔ حادثے کے بعد بس کھنتی میں پلٹ گئی جبکہ بے قابو ڈمپر کھنتی میں گھس گیا، جس میں بس کے دو ڈرائیور سمیت 9 سواریاں زخمی ہوگئیں۔

حادثہ کے بعد بس میں بیٹھے لوگوں میں چیخ پکار مچ گئی۔ پولیس نے لوگوں کی مدد سے زخمیوں کو علاج کیلئے سی ایچ سی میں بھرتی کرایا۔ فتحپور اجیت مل کے رہنے والے 36 سالہ ڈرائیور الکھ کمار جمعہ کی صبح مہوبہ ڈپو سے 29 سواریاں بیٹھا کر جھکرکٹی جا رہے تھے۔

اسی دوران کٹھیروا موضع کے پاس پہنچتے ہی آگے چل رہے ڈمپر کو اوور ٹیک کرنے لگے، جس سے بس ڈمپر سے ٹکرانے کے بعد بے قابو ہوکر کھنتی میں پلٹ گئی۔ حادثہ میں دو ڈرائیور سمیت 9 سواریاں دب کر زخمی ہوگئیں۔

یہ ہوئے زخمی: زخمی ڈرائیور الکھ کمار اور معاون ڈرائیور مہوبہ چرکھاری کے رہنے والے 39 سالہ محمد شفیق، سیسولر کے رہنے والے 53 سالہ اومکار سنگھ، چرکھاری کے رہنے والے 34 سالہ آلوک، ادے پور بھٹپورا سلطانپور کے رہنے والی 42 سالہ پشپا، چھترپور کلواری کے رہنے والے 36 سالہ سنوج، بیوار کے رہنے والے 40 سالہ رفیق، بستی ضلع کے رہنے والے 60 سالہ رام سوارتھ، کوڑا جہان آباد کے رہنے والے 25 سالہ ستیش نشاد زخمی ہوئے۔