کسان تحریک میں مرنے والے کسانوں کو کانگریس شہید کا درجہ دے گی: دیپندرہڈا

بھیوانی : راجیہ سبھا میں کانگریس کے ممبر پارلیمنٹ دیپیندر ہڈا نے آج کہا کہ اگر ہریانہ میں کانگریس اقتدار میں آئی تو کسان تحریک میں مرنے والے کسانوں کو ‘شہید’ کا درجہ دیا جائے گا اور حکومت کی طرف سے مالی مدد دی جائے گی اور خاندان کے کسی بھی فرد کو نوکری دی جائے گی۔

مسٹر دیپیندر ہڈا یہاں کتلانہ ٹول پلازہ پر نئے زراعتی قوانین کو منسوخ کرنے کے لیے احتجاج کر نے والے کسانوں سے خطاب کر رہے تھے۔
انہوں نے کہا کہ اپوزیشن میں رہتے ہوئے کانگریس حکومتی سطح پر مظاہرین کے لیے کچھ نہیں کر سکتی، لیکن پارٹی اے ایم ایل اے نے اپنی سطح پر فنڈ جمع کرائے ہیں اور ریاست کے ہر ‘شہید’ کسان کے خاندان کو 2 لاکھ روپے دیے ہیں۔