برازیل میں کورونا سےمرنے والوں کی تعداد 60 ہزار سے متجاوز

ریو ڈی جنیرو، 2 جولائی (ژنہوا) برازیل میں گزشتہ 24 گھنٹوں کے دوران کورونا وائرس کے انفیکشن سے 1،038 افراد کی موت ہوجانے سے مرنے والوں کی تعداد 60 ہزار سے تجاوز کر چکی ہے۔

وزارت صحت نے بتایا کہ اس دوران ملک میں 46،712 کیس سامنے آئے ہیں جس سے مجموعی متاثرین کی تعداد بڑھ کر 1،448،753 ہوگئی ہے جبکہ 1،038 افراد کی موت ہوچکی ہے جس کے بعد اموات کی تعداد 60،632 ہوگئی ہے۔ ملک میں اب تک کل 8،26،866 مریض صحت مند ہوچکے ہیں۔

برازیل کی سب سے زیادہ آبادی والی ریاست ساؤ پالو اس انفیکشن سے سب سے زیادہ متاثر ہے۔ یہاں مجموعی طور پر 2،89،935 افراد متاثر ہیں جبکہ 15،030 افراد لقمہ اجل بن چکے ہیں۔ اس کے بعد ریو ڈی جنیرو میں 1،15،278 افراد متاثر ہوئے ہیں اور 10،198 اموات ہوئی ہیں۔