دنیا میں کورونا وائرس: ایک دن میں ریکارڈ 2 لاکھ 60 ہزارسے زائد کیسز

جنیوا/بیجنگ/نئی دہلی،20جولائی(یواین آئی)دنیا بھر میں کورونا وائرس کووڈ۔19سے متاثر ہونیوالے افراد کا نیا ریکارڈ بن گیا۔ عالمی ادارہ صحت نے بتایا ہے کہ ایک ہیدن میں دنیا میں 2 لاکھ 60 ہزار سے زائد نئے مریض سامنے آئے ہیں،جن میں سب سے زیادہ متاثرین امریکہ، ہندوستانن ، برازیل، اور جنوبی افریقہ سے سامنے آئے۔

اس سے پہلے کا یومیہ ریکارڈ جمعہ کو قائم ہوا تھا جب2 لاکھ 37 ہزار 743 متاثرین سامنے آئے تھے ۔اسی طرح دنیا بھر میں ایک ہی روزمیں ہلاکتوں کی تعداد 7 ہزار 360 رہی جو کہ 10 مئی سے اب تک کی سب سے بڑی تعداد ہے ۔ امریکہ میں حکام کے مطابق کورونا وائرس کی وجہ سے ہلاکتوں کی تعدادڈیڑھ لاکھ کے قریب پہنچ چکی ہے ۔ حکام نے بتایا کہ 50 میں سے 43 ریاستوں میں اس وبا میں شدت دیکھی جا رہی ہے ۔ایک اندازے کے مطابق امریکہ میں ایک ہفتہ کے دوران اوسطاً پانچ ہزار افراد اس وائرس کی وجہ سے موت کے منہ میں جا رہے ہیں۔