ریلوے نے آج منسوخ کی 500 سے زیادہ ٹرینیں، گھر سے نکلنے سے پہلے چیک کر لیں لسٹ

نئی دہلی۔ ہندوستانی ریلوے نے جمعرات یعنی 19 مارچ 2020 کو بہت سی ٹرینیں منسوخ کردی ہیں۔ ان ٹرینوں کو منسوخ کرنے کی مختلف وجوہات ہیں۔ اس فہرست میں ایکسپریس ، مسافر ٹرینوں اور کچھ خصوصی ٹرینوں کو بھی منسوخ کردیا گیا ہے۔

ریلوے سے ملی اطلاعات کے مطابق ، آج 524 ٹرینیں منسوخ کردی گئی ہیں۔ اس میں جن شتابدی ، سپر فاسٹ ٹرینیں ، میل ایکسپریس ، پیسنجر سمیت بہت سی بڑی ٹرینیں شامل ہیں۔

کرونا کی وجہ سے 80 ٹرینیں منسوخ ہوئیں

ملک بھر میں کورونا وائرس پھیلنے کے خطرے کے پیش نظر اور مسافروں کی بہت کم تعداد کی وجہ سے ہندوستانی ریلوے نے احتیاطی طور پر تمام زونز سمیت 80 ٹرینوں کو بدھ تک منسوخ کردیا جس میں شمالی ریلوے کی 8 ٹرینیں شامل ہیں۔

ان میں دہلی سرائے روہیلا پٹھان کوٹ ایکسپریس ، امبالا کینٹ شری گنگنا نگر امبالا انٹرسٹی ایکسپریس ، نئی دہلی فیروز پور شتابدی ایکسپریس ، چھترپتی شیواجی مہاراج نظام الدین راجدھانی ایکسپریس اور حضرت نظام الدین سے چھترپتی شیواجی ٹرمینس راجدھانی ایکسپریس شامل ہیں۔

مسافر اس ریلوے کی آفیشل ویب سائٹ پر جاکر ٹرین کا اسٹیٹس اور تفصیلات چیک کرسکتے ہیں۔ اس کے علاوہ اسٹیشن پر بھی اعلان کے ذریعہ آپ کو ٹرین کے منسوخ ہونے کے بارے میں معلومات مل جاتی ہیں۔ آپ 139 نمبر پر میسج کرکے بھی ٹرین کی منسوخی کے بارے میں بھی معلومات حاصل کرسکتے ہیں۔