کورونا کا نیا حملہ، ڈینگو کی طرح مریضوں کی پلیٹلیٹس کم کر رہا وائرس

نئی دہلی۔ ملک میں ہر دن جہاں کورونا وائرس کے معاملے بڑھ رہے ہیں، وہیں کورونا وائرس میں ہو رہی تبدیلیوں نے ڈاکٹروں کی تشویش بڑھا دی ہے۔ عام طور پر ڈینگو بخار میں پلیٹلیٹس کم ہوتے دیکھا جاتا تھا، لیکن اب کورونا وائرس سے متاثر مریضوں میں بھی ایسی ہی علامت دکھائی دینے لگی ہے۔ کورونا وائرس سے متاثر مریض کی پلیٹلیٹس کاونٹ گر کر 20 ہزار سے بھی نیچے آ جا رہی ہے۔ حیران کرنے والی بات یہ ہے کہ جب مریض میں ڈینگو کی جانچ کی جا رہی ہے تو اس میں ڈینگو کی کوئی علامت دکھائی نہیں دے رہی ہے۔

پی جی آئی لکھنئو کے پروفیسر انوپم ورما نے بتایا کہ کورونا مریضوں میں اب ڈینگو جیسی علامت دکھائی دینا کافی تشویش کی بات ہے۔ انہوں نے بتایا کہ مریض میں اچانک سے پلیٹلیٹس کاونٹ گرنے سے ان کا علاج کرنا کافی مشکل ہو رہا ہے۔ انہوں نے بتایا کہ لوک بندھو اسپتال کے ڈاکٹر کو پی جی آئی میں بھرتی کرایا گیا تھا، جن کی پلیٹلیٹس 10 ہزار پہنچ گئی تھی۔

جانچ میں پتہ چلا کہ کورونا مریض کے امیون کامپلیکس کو متاثر کرتا ہے جس میں مونوسائڈ اور میکروفیز سیل پر اٹیک ہوتا ہے۔ اس سے پلیٹلیٹس کی کھپت کافی بڑھ جاتی ہے اور ان کے بننے کا عمل اس مقابلے نہیں ہوتا۔ یہی وجہ ہے کہ مریض کی پلیٹلیٹس اچانک سے کافی نیچے آ جاتی ہے۔
اس طرح کے مریض کی حالت کافی سنگین ہوتی ہے اور انہیں پلیٹلیٹس چڑھایا جاتا ہے۔ اس طرح کے مریضوں کو پلازمہ تھیراپی بھی دینی پڑتی ہے۔ ڈاکٹر انوپم نے بتایا کہ کورونا میں اس طرح کی تبدیلی ابھی دیکھنے کو ملی ہے۔ اس سے پہلے کورونا مریضوں کو تھامبوسس ہو رہا تھا۔ اس میں مریض کے خون میں تھکے جم جاتے تھے جس کے لئے انہیں ٹی پی اے انجکشن دیا جاتا تھا۔ اس سے کلاٹ گھل جاتا ہے۔ حالانکہ کئی بار مریضوں کو ٹی پی اے دینے پر ان کی نسیں پھٹ جا رہی ہیں۔