اجودھیا تنازعہ: ثالثی ناکام، 6 اگست سے باضابطہ سماعت

نئی دہلی،02اگست،دہلی(یو این آئی) اجودھیا کے بابری مسجد رام جنم بھومی زمین کے تنازعہ میں ثالثی کا عمل ناکام رہا ہے اور اب چھ اگست سے سپریم کورٹ میں اس مقدمے کی سماعت ہوگی

چیف جسٹس رنجن گوگوئی کی صدارت والی پانچ رکنی آئینی بنچ نے کہا کہ اس تنازعہ کونمٹانے کی غرض سے ثالثی کا عمل ناکام رہاہے اور اب اس کی باضابطہ سماعت کی جائے گی۔

سپریم کورٹ کے سابق جج ایف ایم آئی کلیف اللہ، سیاسی کارکن مسٹر روی شنکر اور ثالثی امور کے ماہر ایڈوکیٹ شری رام پنچو کی ثالثی کی کمیٹی نے گذشتہ روز آئینی بنچ کے سامنے سیل بند لفافے میں اپنی رپورٹ سونپ دی تھی۔
آئینی بنچ نے رپورٹ کا ذکرکرتے ہوئے کہا کہ ثالثی کا عمل ناکام رہا ہے۔
چیف جسٹس سمیت آئینی بنچ کے دوسرے ارکان جسٹس ایس اے بوبڑے، جسٹس ڈی وائی چندر چوڈ، جسٹس اشوک بھوشن اور جسٹس عبد النذیر ہیں۔