ورلڈ کپ سے پہلے پاکستانی ٹیم کو لگا جھٹکا ، فٹنس ٹیسٹ میں فیل ہوا یہ بڑا کھلاڑی

ورلڈ کپ کیلئے 15 رکنی اسکواڈ کے اعلان سے پہلے پاکستان کرکٹ بوڑد نے کھلاڑیوں کا فٹنس ٹیسٹ لیا ۔ اس ٹیسٹ میں زیادہ تر کھلاڑی پاس ہوگئے ہیں تاہم ایک بڑا کھلاڑی فیل ہوگیا ہے ، جس نے پی سی بی اور کپتان سرفراز احمد کی پریشانیاں بڑھادی ہیں ۔ پاکستان ورلڈ کپ کیلئے اپنے اسکواڈ کا جمعرات کو اعلان کرے گا ۔

پاکستانی میڈیا کی رپورٹس کے مطابق آل راونڈر عماد وسیم فٹنس ٹیسٹ میں فیل ہوگئے ہیں ۔ عماد کے علاوہ اوپنر عابد علی بھی فٹنس ٹیسٹ میں ناکام رہے ، لیکن دونوں پاکستانی ٹیم میں شمولیت کے لیے مضبوط امیدوار دکھائی دے رہے ہیں۔

عماد واپسی کے فٹنس ٹیسٹ میں فیل ہونے سے پاکستانی ٹیم کی مشکلات بڑھ گئی ہیں ۔ عماد وسیم کا ورلڈ کپ کی ٹیم میں ہونا تقریبا طے مانا جارہا تھا ۔

جیو ٹی وی کے ایک رپورٹ کے مطابق عماد وسیم نے یویو ٹیسٹ میں شرکت نہیں کی، بدھ کو جب لاہور میں کھلاڑی سیڑھیاں چڑھ رہے تھے اس وقت عماد وسیم کو لنگڑاتے ہوئے دشواری کا سامنا تھا، ان کی فوٹیج دیکھ کر لگ رہا تھا کہ وہ وہ مکمل فٹ نہیں ہیں۔

ذرائع کے مطابق پی سی بی انتظامیہ نے عماد وسیم کو فٹنس ٹیسٹ پاس کرنے کے لیے مزید وقت دینے کا فیصلہ کیا ہے۔