کار سواروں نے کانسٹبل کو گولی مار کر زخمی کیا

پرتاپ گڑھ : اتر پردیش میں پرتاپ گڑھ ضلع ہیڈکواٹر تھانہ سٹی کوتوالی شہر کے ماڈل شاپ کے باہر گزشتہ رات کار سواروں نے کانسٹبل کو گولی مار کر شدید زخمی کر دیا ۔ایس ایچ او ابھئے سنگھ نے بتایا کہ کانسٹبل کرن پرتاپ 25 ، تھانہ کوہنڈور میں تعینات ہے ،

رات تقریباً دس بجے وہ بغیر وردی میں اسکوٹی سے کہیں جارہا تھا کہ پی ڈبلو ڈی چوراہے کے نزدیک ماڈل شاپ کے سامنے اسکوٹی کے کار سے چھو جانے پر کہا سنی میں کار سواروں نے اس کو گولی مار دی ۔شدید زخمی حالت میں علاج کیلئے ضلع اسپتال لایا گیا ۔ڈاکٹروں نے ابتدائی علاج کے بعد میڈیکل کالج الہ آباد ریفر کر دیا ۔ اس سلسلہ میں نامعلوم افراد کے خلاف کیس درج کر لیا گیا ہے اور تحقیق کی جارہی ہے ۔