ویشالی میں ساڑھے تین کوئنٹل نیپالی گانجہ برآمد

حاجی پور: بہار میں ویشالی ضلع کے ودو پور تھانہ علاقے سے پولیس نے ساڑھے تین کوئنٹل نیپالی گانجہ برآمد کیا ہے۔

پولیس ذرائع نے جمعہ کو یہاں بتایا کہ اطلاع کی بنیاد پر جمعرات کی دیر رات داؤد نگر گھاٹ کے قریب کھڑے ایک ٹرک سے ساڑھے تین کوئنٹل نیپالی گانجہ برآمد کیا گیا۔ برآمد ہونے والے گانجے کی مالیت تقریباً 50 لاکھ روپے ہے۔

ذرائع کا کہنا ہے کہ موقع سے کسی کو گرفتار نہیں کیا جا سکا۔ معاملے کی جانچ کی جا رہی ہے۔