مہاراج گنج میں 20لاکھ کی ہیروئن برآمد، نوجوان گرفتار

مہاراج گنج: اترپردیش میں مہاراج گنج کے کوتوالی علاقہ میں مسلح سرحدی فورس (ایس ایس بی) اور پولیس کی مشترکہ ٹیم نے گشت کے دوران ایک نوجوان کو گرفتار کرکے اس کے پاس سے 65 گرام ہیروئن برآمد کرنے کا دعوی کیا ہے ۔

پولیس ذرائع نے آج یہاں بتایا کہ کل رات ایس ایس بی اور پولیس کا عملہ مشترکہ طور پر گشت کررہے تھے ۔ اس دوران ایک نوجوان پگڈنڈی کے راستے نیپال جارہا تھا، جو پولیس کو دیکھ کر بھاگنے کی کوشش کررہا تھا جسے پولیس کی ٹیم نے پکڑلیا۔ تلاشی لینے پر اس کے پاس سے 65 گرام ہیروئن برآمد کی۔ گرفتار شدہ شخص نے اپنا نام سبھاش شرما بتایا ہے اور وہ سنڈی بھیرہوا نیپال کا رہنے والا ہے ۔ اس نے بتایا کہ وہ منشیات کا عادی ہے ۔ برآمد ہیروئن کی قیمت تقریباً20 لاکھ روپے بتائی جاتی ہے ۔