پرتاپ گڑھ ضلع جیل کے چیف ہیڈ وارڈن کا دن دہاڑے گولی مار کر قتل

 پرتاپ گڑھ اترپردیش میں پرتاپ گڑھ ضلع کے تھانہ سٹی کوتوالی ضلع ہیڈکواٹر شہر کے جیل روڈ ریلوے کراسنگ پر جمعرات کی سہ پہر دن دہاڑے بائک سوار بدمعاشوں نے ضلع جیل میں تعینات چیف ہیڈ وارڈن کا گولی مار قتل کر دیا گیا ۔

پولیس سپرنٹنڈنٹ ایس آنند نے بتایا کہ ضلع جیل میں تعینات چیف ہیڈ وارڈن ہری نرائن ترویدی 55 جمعرات کی سہ پہر جیل سے سبزی لینے جارہے تھے کہ جیسے وہ ریلوے کراسنگ پر پہونچے کہ بائک سوار بدمعاشوں نے ہدف بنا کر فائرنگ شروع کر دی ۔گولی لگنے سے وہ شدید زخمی ہوگئے ۔علاج کیلئے ضلع اسپتال لایا گیا جہاں ڈاکٹروں مردہ قرار دیا ۔ پولیس لاش کو پوسٹمارٹم کیلئے قبضے میں لے کر تحقیقات شروع کر دی ہے ۔