این سی بی دفتر پہنچیں دیپکا پاڈوکون، اس حال میں نظر آئیں

سشانت سنگھ راجپوت کی موت کے بعد جانچ میں سامنے آئے ڈرگس پہلو کے جڑتے ہی بالی ووڈ کے بڑے بڑے سلیبریٹی جانچ کے دائرے میں آ گئے ہیں۔ گزشتہ جمعہ کو این سی بی نے رکول پریت سنگھ اور دیپکا پاڈوکون کی منیجر کرشمہ پرکاش سے پوچھ گچھ کی تھی۔ بتایا جا رہا ہے کہ رکول پریت نے پوچھ گچھ میں کئی بڑے انکشاف کئے ہیں۔ انہوں نے ریا چکرورتی کے ساتھ ڈرگس کو لے کر چیٹ کی بات بھی مبینہ طور پر قبول کی ہے۔

رپورٹوں کے مطابق، رکول پریت نے بتایا کہ ڈرگس ان کے گھر پر تھا، لیکن اسے ریا نے ان کے گھر پر رکھوایا تھا۔ دیپکا کی منیجر کرشمہ سے بھی این سی بی نے پوچھ گچھ کی ہے۔
دیپکا کو این سی بی کے سوالوں کا گھنٹوں سامنا کرنا پڑ سکتا ہے۔ بتایا جا رہا ہے کہ خاتون آفیسر کی موجودگی میں این سی بی کے گیسٹ ہاوس میں دیپکا پاڈوکون سے پوچھ گچھ ہو رہی ہے۔
بالی ووڈ اداکارہ دیپکا پاڈوکون ڈرگس کیس میں پوچھ گچھ کے لئے این سی بی گیسٹ ہاوس پہنچ گئی ہیں۔ دیپکا پاڈوکون سے پوچھ گچھ کا یہ پہلا دن ہے۔
آفیسر کے مطابق، ممبئی پولیس نے این سی بی دفتر کے باہر کافی سیکورٹی تعینات کی ہے۔ اداکارہ کی سیکورٹی کو پیش نظر رکھتے ہوئے این سی بی گیسٹ ہاوس کے باہر بیریکیڈنگ کی گئی ہے۔