دہلی کے کراڑی میں کپڑا گودام میں آگ،نو افراد کی موت،تین جھلسے

نئی دہلی،23دسمبر(یواین آئی)دہلی کے شمال-مغربی ضلع کے کراڑی علاقے میں ایک کپڑا گودام میں آگ لگنےسے نوافراد کی دردناک موت ہوگئی اور تین دیگر شدید طورپر جھلس گئے۔

فائربریگیڈ کے ذرائع نے پیر کو بتایا کہ یہ آگ اتوار کی رات تقریباً ساڑھے بارہ بجے لگی تھی۔اس وقت لوگ گودام میں سورہے تھے۔اس حادثے میں اب تک نو لوگوں کی موت ہوچکی ہے اور شدید طورپر جھلسے ہوئے تین لوگوں کو نزدیک کے ایک پرائیویٹ اسپتال میں داخل کرایاگیا ہے۔
یہ گودام علاقے کی ایک تنگ گلی میں تھا جس کی وجہ سے آگ بجھانے میں فائربریگیڈ محکمے کو کافی دقتیں ہوئیں۔گزشتہ 15دن میں دارالحکومت میں آگ لگنے کا یہ دوسرا بڑا حادثہ ہے۔
واضح رہے کہ دہلی کے رانی جھانسی روڈ پر واقع اناج منڈی فیکٹری میں آٹھ دسمبر کو شدید لگ گئی تھی جس میں 43افراد کی موت ہوگئی تھی۔