ایران نے کی ہندوستانی مسلمانوں کے خلاف تشدد کی مذمت

اسلامی جمہوریہ ایران کے وزیر خارجہ نے ہندوستان میں مسلمانوں کے خلاف منظم یافتہ تشدد کی مذمت کرتے ہوئے کہا کہ ایران صدیوں سے ہندوستان کا دوست رہا ہے۔

اسلامی جمہوریہ ایران کے وزیر خارجہ محمد جواد ظریف نے کل رات ایک ٹوئٹر پیغام میں کہا کہ اسلامی جمہوریہ ایران، ہندوستان میں مسلمانوں کے خلاف منظم یافتہ تشدد کی نئی لہر کی مذمت کرتا ہے۔

Iran condemns the wave of organized violence against Indian Muslims.

For centuries, Iran has been a friend of India. We urge Indian authorities to ensure the wellbeing of ALL Indians & not let senseless thuggery prevail.

Path forward lies in peaceful dialogue and rule of law.

— Javad Zarif (@JZarif) March 2, 2020

محمد جواد ظریف نے ہندوستانی حکام سے مطالبہ کیا کہ وہ تمام ہندوستانی شہریوں کی خوشحالی کو یقینی بنائیں اور قتل و غارت گری کو جاری نہ رہنے دیں۔ اور معاملات کو آئین، گفتگو اور مذاکرات کے ذریعہ حل کرنے کی کوشش کریں۔

یہ بات قابل ذکر ہے کہ عالمی اداروں، یورپی ممالک، اہم شخصیات اور مسلمانوں نے ہندوستان میں مسلمانوں کے قتل عام اور تشدد کی مذمت کرتے ہوئے مسلمان اقلیتوں کے مسائل و مشکلات کو حل کرنے،انسانی حقوق کا احترام اور عالمی قوانین کی پاسداری کرنے کا مطالبہ کیا ہے۔

واضح رہے کہ ہندوستان کے دارالحکومت دہلی میں اب تک مسلمانوں کے خلاف تشدد اور کشیدگی میں 46 سے زائد افراد جاں بحق اور 300 سے زائد زخمی ہوئے ہیں۔