خام تیل کی قیمتوں میں کمی کے باوجود پیٹرول اور ڈیزل میں کوئی تبدیلی نہیں

نئی دہلی، 22 مئی (ہ س)۔ بین الاقوامی بازار میں خام تیل کی قیمتوں میں اتار- چڑھاو کا سلسلہ جاری ہے۔ برینٹ کروڈ کی قیمت تقریباً 83 ڈالر اور ڈبلیو ٹی آئی کروڈ کی قیمت تقریباً 80 ڈالر فی بیرل ہے۔ پبلک سیکٹر کی تیل اور گیس کی مارکیٹنگ کمپنیوں نے بدھ کو پیٹرول اور ڈیزل کی قیمتوں میں کوئی تبدیلی نہیں کی ہے۔

اس ہفتے کے تیسرے دن برینٹ کروڈ ابتدائی کاروبار میں 0.57 ڈالر یعنی 0.71 فیصد کی کمی کے ساتھ 82.29 ڈالر فی بیرل پر کاروبار کر رہا ہے۔ وہیں ویسٹ ٹیکساس انٹرمیڈیٹ (ڈبلیو ٹی آئی) کروڈ بھی 0.54 ڈالر یعنی 0.68 فیصد کمی کے ساتھ 79.26 ڈالر فی بیرل پر کاروبار کر رہا ہے۔

انڈین آئل کی ویب سائٹ کے مطابق دہلی میں پٹرول کی قیمت 94.72 روپے جبکہ ڈیزل 87.62 روپے، ممبئی میں پٹرول 104.21 روپے جبکہ ڈیزل 92.15 روپے، کولکاتا میں پٹرول 103.94 روپے جبکہ ڈیزل 90.76 روپے، چنئی میں پٹرول 100.75 روپے جبکہ ڈیزل 92.34 فی لیٹر پر دستیاب ہے۔