صبح کے وقت نہانا، ڈاکٹروں نے خبردار کردیا

نہانا ہماری فطرت میں شامل ہے لیکن کونسا وقت نہانے کیلئے زیادہ بہتر ہے، اس حوالے سے اکثر لوگ ناواقف ہونگے۔

ڈاکٹروں نے متنبہ کیا ہے کہ دن کے مخصوص اوقات میں نہانے سے ہماری جلد یا چہرے پر مہاسوں کے اثرات ظاہر ہوسکتے ہیں۔

ماہرین کے مطابق شام کے بجائے صبح نہانا ایک بڑی غلطی ہے کیونکہ اس کے نتیجے میں دن بھر بیکٹیریا اور گندگی جسم پر جمع ہوتی رہتی ہے۔

پرسکرپشن ڈاکٹر کے ایک طبی مشیر، ڈاکٹر آراگونا جیوسیپے نے کہا کہ اگرچہ صبح نہانے سے حواس بیدار ہوتے ہیں، لیکن شام کو نہانے کے بھی اپنے مخصوص فوائد ہیں۔

انہوں نے کہا کہ دن کے وقت آپ کی جلد اور آپ کے بال ہوا سے پیدا ہونے والے الرجین اور جلن، گندگی اور بیکٹیریا کو جمع کرتے ہیں، خاص طور پر گرمیوں کے مہینوں میں پولن، کیمیکلز اور پسینے سے۔

لہذا جب آپ نہائے بغیر بستر پر جاتے ہیں تو یہ آپ کے بستر اور چادروں میں منتقل ہو جاتے ہیں اور نہ صرف گندے بستر اور رات کے وقت الرجی کو فروغ دے سکتے ہیں بلکہ یہ خارش، بےسکونی اور خُشک جلد کے ساتھ ساتھ چہرے کی جلد کے مسائل جیسے مہاسوں کا سبب بن سکتے ہیں۔