چینی کمپنی’آنر‘ کا ڈوئل کیمرہ بہترین فون متعارف

اسمارٹ موبائل بنانے والی چینی کمپنی ’ہیواوے‘ کی ذیلی کمپنی ’آنر‘ نے اپنی ہی ساتھی کمپنی کے موبائل ’میٹ 10‘ کے ٹکر کا نیا موبائل متعارف کرادیا۔

’آنر‘ نے5.99 انچ بیزلیس اسکرین کے حامل ’وی 10‘ کو متعارف کرادیا، جسے ’ہیواوے میٹ 10‘ سے بھی بہتر کہا جا رہا ہے۔

’آنر وی 10‘ میں 16 اور 20 میگا پکسل کے ڈوئل ریئر کیمرے دیے گئے ہیں، جب کہ اس میں 13 میگا پکسل سیلفی کیمرہ بھی دیا گیا ہے۔

’آنر وی 10‘ کے ایچ ڈی اسکرین کا ریزولیشن 1080 بائے 2160 ہے، جب کہ اس فون کو تین طرح کے جی بی ریم میں متعارف کرایا گیا ہے۔

’آنر وی 10‘ کو 4 جی بی، 6 اور 64 جی بی ریم میں پیش کیا گیا ہے، جب کہ اس میں 3700 ایم اے ایچ بیٹری دی گئی ہے۔

کمپنی کا دعویٰ ہے کہ ’آنر وی 10‘ میں جدید ٹیکنالوجی کا استعمال کیا گیا ہے، جس وجہ سے یہ ذیلی کمپنی کے ’ہواوے میٹ 10‘ سے بھی بہتر ہے۔

فوری طور پر کمپنی نے اسے صرف چین میں ہی متعارف کرایا ہے، تاہم آٗئندہ ماہ 5 دسمبر کو اسے امریکا میں بھی متعارف کرایا جائے گا۔

امریکا میں متعارف کرائے جانے کے بعد اسے آئندہ برس دنیا کے دیگر ممالک میں بھی متعارف کرائے جانے کا امکان ہے۔

’آنر وی 10‘ کی قیمت 409 امریکی ڈالر(پاکستانی 40 ہزار روپے سے زائد) رکھی گئی ہے۔