دوبئی میں سڑک حادثے میں 10 ہندوستانیوں سمیت 17 افرادہلاک

دوبئی، ؛ دوبئی میں ایک مسافر بس کے جمعرات کی شام حادثہ کا شکار ہوجانے سے 10 ہندوستانیوں سمیت کم سے کم 17 لوگوں کی موت ہوگئی اور پانچ دیگر سنگین طور سے زخمی ہوگئے۔ بس میں 31 مسافر سوار تھے۔
دوبئی پولس نے حادثے کی تصدیق کی ہے۔

انہوں نے بتایا کہ یہ حادثہ اس وقت پیش آیا جب ڈرائیور کے بس پر قابو کھودینے کے بعد یہاں میٹرو اسٹیشن کے نزدیک ٹریفک سگنل سے ٹکراگئی تھی۔ اس حادثے میں مختلف ممالک سے تعلق رکھنے والے کم سے کم 17 شہریوں کی موت ہوگئی اور پانچ دیگر سنگین طور سے زخمی ہوگئے۔

https://twitter.com/DrSJaishankar/status/1136916492996534272

مقامی میڈیا نے بتایا کہ ڈرائیور کے بس پر قابو کھودینے کے بعد بس دوبئی میں شیخ محمد بن زائد روڈ پر رشیدیہ میٹرو اسٹیشن کے نزدیک ٹریفک سگنل سے ٹکراگئی۔

https://twitter.com/CatchNews/status/1136870218964361216
پولس نے بتایا کہ حادثے کے وقت بس میں مختلف ممالک کے 31 مسافر سوار تھے جن میں سے آدھے سے زیادہ مسافروں کا تعلق عمان سے تھا۔ ان میں سے بہت سے مسافر عید کی چھٹیاں منا کر عمان سے لوٹ رہے تھے۔