افغانستان میں 6.2 شدت کا زلزلہ ، دہلی این سی آر سمیت پورے شمالی ہندوستان میں محسوس کئے گئے جھٹکے

نئی دہلی : ملک میں طوفان کے خطروں کے درمیان بدھ کو قومی راجدھانی دہلی و این سی آر سمیت ہندوستان میں کئی مقامات پر زلزلے کے جھٹکے محسوس کئے گئے ۔جموں و کشمیر ، ہماچل اور پنجاب میں بھی یہ جھٹکے محسوس کئے گئے ۔ ریختر پیمانے پر اس زلزلہ کی شدت 6.2 بتائی گئی ہے۔

زلزلہ کا مرکز کابل سے 182 کلومیٹر دور 112 کلو میٹر زیر زمیں بتایا جا رہا ہے ۔ زلزلہ کی وجہ سے لوگ اپنے گھروں سےاور دفتروں سے باہر نکل آئے ۔

خیال رہے کہ ہندوستان کی کئی ریاستوں میں گزشتہ دو دنوں سے طوفان کو لے کر الرٹ جاری ہے۔ ساتھ ہی ساتھ آندھی -طوفان میں کئی گھروں کے تباہ ہونے اور نقصان پہنچنے کی خبریں ہیں ۔ا تراکھنڈ اور ہماچل پردیش میں اولے گرنے کی بھی خبر ہے۔