ایمپلائمنٹ اسسٹنٹ رشوت لیتے ہوئے گرفتار

 نرسنگھ پور، 18 اکتوبر ( یو این آئی) مدھیہ پردیش کے نرسنگھ پور ضلع میں لوک آیکت پولیس کی ٹیم نے ایک ایمپلائمنٹ اسسٹنٹ کو پچیس ہزار روپے رشوت لیتے ہوئے گرفتار کیا ہے ۔

جبل پور لوک آیوکت پولیس کے مطابق، لوک آیوکت ٹیم نے گاڈرواڑہ تحصیل کے سائی کھیڑا بلاک کے گرام پنچایت انجدہ میں کام کرنے والے ایمپلائمنٹ اسسٹنٹ پرشانت بڈکور کو 25 ہزار روپے کی رشوت لیتے ہوئے گرفتار کیا ہے ۔ ٹیم نے بتایا کہ اس پنچایت کی سرپنچ شیوانی مہرا کو پنچایت میں ہوئے کام وں کی جیو ٹیگنگ کرنی تھی، ایمپلائمنٹ اسسٹنٹ نے اس کام کو مکمل کرنے کے لیے سرپنچ کے شوہر سے 25 ہزار روپے کا مطالبہ کیا تھا۔ اس معاملے میں سرپنچ نے شکایت درج کرائی تھی۔ گزشتہ روز جیسے ہی رشوت کی رقم ایمپلائمنٹ اسسٹنٹ کو ملی تو ٹیم نے اسے رقم سمیت گرفتار کر لیا۔