ایرامیڈیکل کالج میں بھرتی ہیں ۲۹۵ کورونامتاثر 

لکھنؤ: راجدھانی میں کووڈ انفیکشن بڑھنے کے ساتھ ایرامیڈیکل کالج میں کوروناکےمریضوںکی تعداد میں بھی اضافہ ہو رہا ہے۔ جمعرات کو ایرامیں ۲۳ مزید کورونا متاثرمریضوںکو بھرتی کیاگیااس کے بعدایرامیڈیکل کالج میں کووڈ-19کے کل مریضوں کی تعداد ۳۲۵ تک پہنچ گئی۔

حالانکہ دیر شام ۴۰ مریضوں کو صحت یاب ہونےکے بعد ڈسچارج کیاگیا۔ ہردوئی روڈ واقع ایرامیڈیکل کالج میں کوروناکے مریض آنے کا سلسلہ ختم نہیں ہورہا ہے۔ جمعرات کو دو درجن مریضوںکو بھرتی کرایا گیااس میں سے کئی وینٹی لیٹرپرہیں۔بھرتی مریضوں میں بچوں سے لیکر بزرگ مریض  تک شامل ہیں۔

میڈیکل کالج کے پرنسپل ڈاکٹر ایم اے فریدی نے بتایاکہ مریضوں کی تعداد زیادہ ہونے کے سبب ڈاکٹروںپر دباؤ کافی ہے۔ اس کے باوجودتربیت یافتہ ڈاکٹروںکی ٹیم مریضوںکو بہتر طبی سہولتیں  فراہم کرارہی ہے۔ مریضوں میں کئی دوسری بیماریوں سے بھی متاثر ہیں جس کیلئے ان کی جانچ کراکر ان کا علاج کرایا جا رہا ہے۔

پرنسپل ڈاکٹر فریدی نے بتایاکہ کچھ مریض ایک ہی کنبہ کے ہیں جس کی وجہ سے انہیں ایک ساتھ رکھ کر علاج کیاجارہاہے۔اسپتال میں کورونا متاثر مریضوں کے آنے کےبعد سبھی کی دوبارہ جانچ کراکر علاج شروع کیاگیا۔ کئی مریضوں میں یرقان اور دیگر بیماریوں کی بھی تصدیق ہورہی ہے ۔

ڈاکٹر فریدی نے بتایاکہ کووڈ زون میںکام کرنےو الے سبھی ڈاکٹروں اور پیرا میڈیکل اسٹاف کو محکمہ صحت کی گائڈ لائن کے مطابق تربیت دی گئی ہے۔

غور طلب ہے کہ ایرا میڈیکل کالج نے کوروناکے مریضوںکے علاج کیلئے لیول ۳زمرہ کاکووڈ اسپتال بنایاہے جس میں آئیسولیشن، آئی سی یو اور وینٹی لیٹرجیسی تمام سہولیات بھی موجود ہیں۔