کمل ہاسن کی فلم ’انڈین 2‘ کا ٹریلر جاری

ممبئی، 26 جون (یو این آئی) جنوبی ہند کی فلموں کے سپر اسٹار کمل ہاسن کی آنے والی فلم ‘انڈین 2’ کا ٹریلر جاری کر دیا گیا ہے۔

1996 میں ریلیز ہونے والی فلم ‘انڈین’ میں کمل ہاسن نے سینا پتی نامی آزادی پسند جنگجو کا کردار ادا کیا تھا، جو بدعنوانی سے لڑتا ہے اور فلم انڈین کے سیکوئل انڈین 2 میں انہوں نے اسی کردار میں زبردست واپسی کی ہے۔

‘انڈین 2’ کا ٹریلر جاری کردیاگیا ہے۔ ٹریلر کا آغاز ایک وائس اوور سے ہوتا ہے، جس میں ملک کے حالات  کے بارے میں بتایا جاتا ہے۔ کہا جاتا ہے- کیسا دیش ہے یہ؟ پڑھے لکھے لوگوں کے لیے کام نہیں، کام ہے تواس لائق پگارنہیں۔ چور چوری کرتا ہی رہے گا، اپرادھی اپرادھ کرتا ہی رہے گا۔

ایسے میں ملک پھر سے ‘انڈین’ کو بلانا چاہتا ہے، جو لوگوں کو بچا سکے۔ کچھ نوجوان یہ کہتے نظر آتے ہیں کہ اس کرپشن کو ختم کرنے کے لیے ایک ہنٹنگ ڈاگ آنا چاہیے، پھر سوال اٹھتے ہیں کہ کیا ایسا کوئی شخص تھا؟

اس پر آواز آتی ہے ‘ہندوستانی’۔ اس کے بعد سینا پتی کی انٹری ہوتی ہے۔اس دوران وہ بولتے ہیں کہ – یہ آزادی کی دوسری جنگ ہے، گاندھی جی کے راستے پر تم اور نیتا جی کے راستے  پرمیں…

انڈین 2، ایس شنکر کی ہدایت کاری میں اور لائکا پروڈکشن کے سباسکرن نے پروڈیوس کیا، اس میں اداکار کمل ہاسن، سدھارتھ، رکل پریت سنگھ، کاجل اگروال، ایس جے سوریہ، پریا بھوانی شنکر، نیڈومودی وینو، وویک، کالی داس جےرام، گلشن گروور، سموتھیراکانی، بوبی سمہا، برہمانندم، وینیلا کشور، ذاکر حسین، پیوش مشرا، گرو سوماسندرم، دلی گنیش، جے پرکاش، منوبالا، اور اشونی تھنگراج بھی ہیں۔ انڈین 2، 12 جولائی 2024 کو ہندی، تمل، تیلگو میں دنیا بھر میں ریلیز ہوگی۔