لکھی سرائے:بہار میں لکھی سرائے ضلع کے بانسي پور اسٹیشن پر آج ایک ٹرین سے بھاری مقدار میں دیسی شراب برآمد کی گئی۔
ریلوے پولیس کے ذرائع نے یہاں بتایا کہ اطلاع کی بنیاد پر ایکسائز اینڈ پروہیبیشن ڈپارٹمنٹ کے سپرنٹنڈنٹ شیلندر کمار نے اسٹیشن پر کھڑی پٹنہ۔ دھنباد انٹرسٹی ایکسپریس کے ایک ڈبے میں تلاشی لی۔ تلاشی کے دوران ایک ٹوکری میں چھپا کر رکھی گئی دیسی شراب برآمد کی گئی۔
ذرائع نے بتایا کہ اس معاملے میں پوچھے جانے پر کسی مسافر نے کچھ نہیں بتایا۔ اس سلسلے میں ریلوے پولیس تھانہ میں ایک کیس درج کرلیا گیا ہے ۔
