فاطمہ ثناء شیخ بھی مرگی سے پریشان

ممبئی۔ بالی ووڈ اداکارہ فاطمہ ثناء شیخ جو جلد ہی سام بہادر میں اندرا گاندھی کے کردار میں نظر آئیں گی، انہوں نے حال ہی میں اپنے سوشل میڈیا پر مرگی کے بارے میں بیداری پیدا کرنے کے لیے کہا وہ بھی اس مرض میں مبتلا ہیں۔نومبر کو مرگی سے آگاہی کا مہینہ کہا جاتا ہے۔ فاطمہ ثناء شیخ لوگوں میں اس سے نمٹنے اور اس کے بارے میں بیداری پیدا کرنے کی مسلسل کوشش کررہی ہیں۔

انہوں نے اپنی صحت کی حالت کے بارے میں بھی کھل کر بتایا کہ یہ دنگل کی تیاریوں کے دوران ہی انہیں اس عارضے کے بارے میں معلوم ہوا۔ان کے ایک پیروکار کی جانب سے یہ پوچھے جانے پر کہ انہیں اس کے بارے میں کب پتہ چلا ؟ اداکارہ نے کہا: (مجھے) اس وقت تشخیص ہوا جب میں دنگل کے لیے ٹریننگ کررہی تھی۔ میں نے ایک ایپی سوڈ حاصل کیا اور سیدھی اسپتال پہنچی۔