مشرقی دہلی کی عمارت میں لگی آگ، خاتون کی موت، 26 لوگوں کو بچا لیا گیا

حکام نے بتایا کہ آگ عمارت کے پارکنگ ایریا میں لگی اور پوری عمارت کو لپیٹ میں لے لیا۔ انہوں نے کہا کہ اس واقعہ میں ایک خاتون کی موت ہوگئی جبکہ دہلی فائر سروس نے 26 لوگوں اور دو پالتو جانوروں کو بچایا۔

مشرقی دہلی کے شکرپور میں پیر کی رات دیر گئے ایک عمارت میں زبردست آگ لگنے سے ایک 40 سالہ خاتون کی موت ہو گئی جبکہ 26 افراد کو بچا لیا گیا۔ حکام نے یہاں یہ جانکاری دی۔

حکام نے بتایا کہ آگ عمارت کے پارکنگ ایریا میں لگی اور پوری عمارت کو لپیٹ میں لے لیا۔ انہوں نے کہا کہ اس واقعہ میں ایک خاتون کی موت ہوگئی جبکہ دہلی فائر سروس نے 26 لوگوں اور دو پالتو جانوروں کو بچایا۔

انہوں نے کہا کہ کچھ لوگوں نے خود کو بچانے کے لیے کھڑکیوں سے چھلانگ لگا دی۔ انہوں نے بتایا کہ ان تمام لوگوں کو اسپتال لے جایا گیا ہے۔ دہلی فائر سروس کے ایک اہلکار نے کہا، “ہمیں صبح تقریباً 1.05 بجے آگ لگنے کی اطلاع ملی… ہم نے فوری طور پر تین فائر ٹینڈرز کو تعینات کیا۔ بعد میں فائر بریگیڈ کی مزید پانچ گاڑیوں کو موقع پر روانہ کیا گیا۔ معاملے کی اطلاع فوری طور پر پولیس کو دی گئی۔