اننت ناگ میں آتشزدگی، چار رہائشی مکان خاکستر

سری نگر،18 جون (یو این آئی) جنوبی کشمیر کے ضلع اننت ناگ کے شر پورہ علاقے میں شبانہ آگ کی ایک واردات میں کم سے کم چار رہائشی مکان خاکستر ہوگئے۔

ذرائع نے بتایا کہ اننت ناگ کے شر پورہ علاقے میں جمعے اور ہفتے کی درمیانی شب ایک رہائشی مکان سے آگ نمودار ہوئی جس کے شعلوں نے متصل واقع مکانوں کو بھی اپنی لپیٹ میں لے لیا۔

انہوں نے کہا کہ آگ پر قابو پانے سے قبل کم سے کم چار مکان خاکستر ہوگئے۔