دہلی کے جھلمل علاقہ میں ربرفیکٹری میں آتش زدگی ،تین افرادہلاک

نئی دہلی ،13جولائی (یواین آئی)قومی راجدھانی کے جھلمل صنعتی علاقہ میں واقع ربراور پلاسٹک فیکٹری میں آج صبح آتش زدگی کے نتیجہ میں تین لوگوں کی موت ہوگئی ۔

فائربرگیڈ کے ایک اہلکار نے بتایا،’’صبح 9بجکر 25منٹ پر جھلمل صنعتی علاقہ کے نزدیک ایم ایس پارک میں آگ لگنے کی اطلاع ملی تھی ۔اس کے بعد فائربرگیڈ کی 30گاڑیاں آگ بجھانے کے لیے جائے حادثہ پر پہنچیں۔فیکٹری سے تین لاشیں اسپتال بھیجی گئی ہیں ۔ ‘‘
ابھی تک آتش زدگی کی وجہ معلوم نہیں ہوسکی ہے ۔پولیس پورے معاملہ کی جانچ کررہی ہے ۔راحت اوربچاؤ کام جاری ہے ۔