انعامی بدمعاش سمیت پانچ گرفتار

لکھنؤ: راجدھانی کے الگ الگ تھانہ علاقوں سے پولیس نے انعامی بدمعاش سمیت پانچ ملزمین کو گرفتار کیا ہے۔ کرشنا نگر پولیس نے 25 ہزار کے انعامی بدمعاش کو گرفتار کرنے کا دعویٰ کیا ہے۔

کرشنا نگر انسپکٹر دھیریندر کمار اپادھیائے کے مطابق لوٹ و گینگسٹر ایکٹ میں فرار انعامی بدمعاش سچن سکسینہ ساکن اتراکھنڈ کو تھانہ علاقہ کے ڈی آر ایم پولیس کے نزدیک سے گرفتار کیا گیا ہے۔

وہیں کرشنا نگر پولیس نے ایک موٹرسائیکل سوار بدمعاش کو طمنچے کے ساتھ پکڑا ہے۔ ادھر چنہٹ پولیس نے لوٹ کے دو موبائل کے ساتھ موہت شرما و شوبھم شکلا ساکنان چنہٹ کو گرفتار کیا ہے۔ ادھر پی جی آئی پولیس نے ناجائز اسلحہ کے ساتھ داؤد عرف چھنگا ساکنکینٹ کو گرفتار کرنے کا دعویٰ کیا ہے۔