سمستی پور:بہار میں مشرقی وسطی ریلوے کے سمستی پور ریلوے اسٹیشن پر جن سادھارن ایکسپریس ٹرین سے پولیس نے آج ایک اسمگلر کو گرفتار کرکے 24 بوتل غیر ملکی شراب برآمد کی۔
ریلوے پولیس ذرائع نے یہاں بتایا کہ خفیہ اطلاع کی بنیاد پر امرتسر سے سہرسہ جارہی 14604 جن سادھارن ایکسپریس ٹرین کے ایک ڈبے میں چھاپہ ماری کی گئی۔ اس دوران، غیر ملکی شراب کی 24 بوتلیں برآمد کی گئیں۔ ذرائع نے بتایا کہ موقع سے شراب اسمگلر روپیش یادو کو گرفتار کیا گیا ہے ۔ روپیش سہرسہ ضلع کے ہری پور تھانہ کے سلکھا گاؤںکا باشندہ ھے ۔ پولس اس سے پوچھ گچھ کر رہی ہے ۔
