غیر ملکی زرمبادلہ کے ذخائر 590 بلین ڈالر سے متجاوز

ممبئی،7 فروری (یواین آئی) 29 جنوری کو ختم ہونے والے ہفتے میں ملک کے غیر ملکی زرمبادلہ کے ذخائر 4.85 ارب ڈالر کے اضافے سے 59.18 ارب ڈالر تک پہنچ گئے گزشتہ ہفتے اس کی مالیت 1.09 بلین ڈالرکے اضافے سے 585.33 بلین ڈالر ہوگئی تھی ریزرو بینک آف انڈیا کے جاری کردہ ہفتہ وار اعدادوشمار کے مطابق 29 جنوری کو ختم ہونے والے ہفتے میں غیر ملکی کرنسی کے اثاثوں جو زرمبادلہ کے ذخائر کا سب سے بڑا جزو ہے ، 5.02 ارب ڈالرکے اضافے سے 547.21 بلین ڈالر ہوگیا۔

اسی عرصے کے دوران سونے کے ذخائر 1.64 بلین ڈالر سے گھٹ کر 36.29 ارب ڈالر رہ گئے۔ رواں ہفتہ میں بین الاقوامی مالیاتی فنڈ کے پاس ریزروڈ ذخائر 6 ملین ڈالر سے گھٹ کر 5.16 بلین ڈالر اور’اسپیشل ڈرائنگ رائٹس‘ 4 ملین ڈالر سے گھٹ کر 1.50 بلین ڈالر رہ گیا ہے۔