الجرائر: شمالی افریقہ کے ملک الجزائر کے سابق وزیر اعظم نورالدین بیدوئی اور سابق وزیر صحت عبدالملک بودیاف کو 5 سال قید اور 10 لاکھ الجزائر دینار (7,383 ڈالر) جرمانے کی سزا سنا دی گئی۔
عرب میڈیا کے مطابق ان دونوں کو بدعنوانی کے ایک مقدمے میں سیدی محمد میونسپلٹی میں اقتصادی اور مالیاتی تعزیرات کی عدالت نے سزا سنائی۔ یہ دونوں ریاست قسطنطین میں ایک نئے عالمی ہوائی اڈے کی تعمیر میں پائی جانے والی متعدد بے ضابطگیوں میں ملوث تھے۔
خبر رساں ادارے کے مطابق منصوبے کی لاگت اصل تخمینہ سے تقریباً 7 گنا تک بڑھ گئی اور اس کی تعمیر میں بھی متوقع چار کے مقابلے میں 10 سال زیادہ لگے جس سے عوامی خزانے کو بھاری رقم خرچ ہوئی۔
اسی کیس میں عدالت نے ریاست قسطنطین کے سابق گورنر طاہر ساکران اور ریاست کے سابق سیکرٹری جنرل بن یوسف عزیز کو ان کے خلاف تمام الزامات سے بری کر دیا۔
#algeria #pm #jail #healthminister
Algeria’s former Prime Minister Noureddine Bedoui and former Health Minister Abdelmalek Boudiaf have been sentenced to five years in prison and fined 1 million Algerian dinars ($7,383), according to the state press agency. pic.twitter.com/Yg6BvSD5FQ— Maestro Informations (@Maestroinfoo) June 22, 2023
