امریکی ریاست فلوریڈا میں فائرنگ ، نومولود سمیت 4 افراد ہلاک

واشنگٹن ،؛ امریکہ کی جنوبی ریاست فلوریڈا کے علاقے لیک لینڈ میں فائرنگ سے ایک نوزائیدہ سمیت 4افراد ہلاک ہوگئے۔
مقامی میڈیا نے اتوار کو یہ اطلاع دی۔ میڈیا رپورٹس کے مطابق اس واقعے میں ایک 11 سالہ بچی زخمی ہوئی ہے۔

پولک کاؤنٹی شیرف گریڈی جوڈ نے بتایا کہ فائرنگ علی الصبح 4:30 پر دو الگ الگ گھروں میں ہوئی۔ ان کا کہنا تھا کہ ملزم نے اس دوران پولیس کے ساتھ فائرنگ سے زخمی ہونے کے بعد ہتھیار ڈال دئیے۔ انہوں نے کہا کہ واقعہ میں کوئی پولیس اہلکار زخمی نہیں ہوا ہے۔