پرتاپ گڑھ :اتر پردیش میں پرتاپ گڑھ ضلع ہیڈکواٹر سے پندرہ کلو میٹر دور تھانہ شہر کوتوالی علاقے کے کھرہر گاوُں کے نزدیک کل رات کچھ بدمعاشوں نے ایک ڈاکٹر کے ساتھ مار پیٹ کی اور ہزاروں روپیہ کی نقدی اور موبائل لوٹ کر فرار ہو گئے ۔ڈاکٹر کو شدید زخمی حالت میں علاج کیلئے ضلع اسپتال میں داخل کرایا گیا ۔
ڈی ایس پی (سٹی) ایس ایس دکشت نے بتایا کہ ڈاکٹر جے پی سنگھ(50) کا راجا پور میں کلنک ہے ، جہاں وہ بائک سے اپنے گھر بھویدہا گاوُں واپس آرہے تھے کہ بنارس -راے بریلی شاہراہ پر کھرہر گاوُں کے نزدیک کار سوار چار بدمعاشوں نے ان کا تعاقب کرکے انہیں روک لیا اور مار پیٹ کرنے کے بعد ساڑھے گیارہ ہزار نقد اور اسمارٹ فون موبائل لوٹ کر فرار ہو گئے ۔اس سلسلہ میں ایک کیس درج کرلیا گیا ہے اور اس واقعہ کی تحقیقات جارہی ہے ۔
