کانگریس کی خاتون امیدواروں کو اپنی حمایت دیں خواتین:پرینکا

لکھنؤ: کانگریس جنرل سکریٹری و اترپردیش کی انچارج پرینکا گاندھی واڈرا نے اترپردیش کے آئندہ اسمبلی انتخابات میں خاتون رائے دہندگان سے کانگریس کی خاتون امیدوار وں کی حمایت میں آگے آنے کی اپیل کی ہے.

واڈرا نے منگل کو فیس بک لائیو کے ذریعہ کانگریس امیدواروں کی حمایت میں انتخابی تشہیر کرتے ہوئے کہا’ میں اپنی بہنوں کو کہنا چاہتی ہوں کہ جہاں جہاں خواتین امیدوا ہیں وہاں وہاں ا ٓپ ان کی حمایت کریں۔
ریاست میں لچر نظم ونسق پرحملہ کرتے ہوئے انہوں نے کہا کہ کانگریس کے کئی امیدواروں پر پولیس اور حکومت نے جم کر مظالم ڈھائے ہیں۔
واڈرا نے کہا’ ہم نے فیصلہ کیا ہے کہ ہم بی جےپی کے ہاتھ سے اقتدار چھینیں گے اور ان کو دیں گے جن پر مظالم ہوئے ہیں۔